உயிருக்காக ஒரு வாழ்க்கை

உயிர் சுமக்கும்

உடலுக்காக ஒரு வாழ்க்கை

உடல் சுமக்கும்

நினைவுகளும் கனவுகளும் கலந்த

சஞ்சலங்களுக்காக ஒரு வாழ்க்கை

இருவேறு வாழ்க்கைச் சுழலில்

மாறி மாறி சுழன்ற ‘நான்’ என்கிற ஒரு பிறவி

உயிருக்காக ஒரு தருணம் வாழ முற்பட்டது.

அப்பொழுது, அடிமனமெனும் 

ஆழக்குழியில் ஒரு குழலோ யாழோ எனும் மழலை சிரிக்கும் ஒலி கேட்டது.

ப்ராணவாயு குறைந்த இடத்தில் 

எவ்விதம் மழலை சிரிக்கின்றது - பொது புத்தி வினவிற்று,

உயிர் வேறு  காற்று வேறு 

என்ற ஞானமின்றி…

கிரி.